Wi snackt Platt Lektion 41-45

Plattdeutsch
Wi snackt Platt

 

Lektion 41: Rezepte/Gerichte

Die Leibgerichte sind von Mensch zu Mensch, aber auch von Region zu Region unterschiedlich. Das gilt auch für Back- und Kochrezepte, beispielsweise für Omas Kuchenteig oder Tante Lottes Sauerbraten.
Allgemeen ward seggt: Eeten ward dat, wat op ‘n Disch kummt. Dat den een or annern wat besonners goot smecken deit, wo he na giert, versteiht sik von sölbens. Ik mach geern Swattsuur – anner Lüüd löppt dat kolt över ‘n Rüüch, wenn se dat hört. Overs Speck un Klüten, Gröönkohl, Haxen or Iisbeen mit Suurkruut, Buernfröhstück or Arfen mit Schinken un junge Kantüffeln mach ik ok. Un natürlich Fisch: Gnoot smeckt to jede Johrestied, mi am leevsten, wenn de Dannen gröön sünd, eben jümmers, Schulln un Matjes in ‘n Mai am besten. Ool mach ik ok geern. Mi is dat egol, op se brad, röökert or in Suur leggt sünd. (jm) 
Lektion 41: Rezepte/Gerichte [MP3, 1,74 MB]

Lektion 42: Aussprache

Von Gebiet zu Gebiet hört sich jede Sprache ein wenig anders an – auch unser Hochdeutsch. Höör maal to, wenn Lüüd ut Hamborg, Hessen un Baden hoochdüütsch miteenanner snackt. Daar kannst du nipp un nau ruthören, woneem de tohuus sünd. Worüm schall dat in us Platt anners wesen? Snack free von de Lebber weg, aver schriev keen Privaatplatt (phonetisch). Höörn kannst in Hooch un Platt faken nich, wo dat schreven warrt. Bi „geven“ un „Segen“ höört wi een „g“, aver bi „wenig“ klingt dat bi den een as „k“ (wenik) un bi den annern as „ch“ (wenich). In Platt warrt dat „g“ an’n End von een Woort jümmer as „ch“ spraken, to’n Bispeel bi „de Weg“ (Wech). Bi „Giro“, „Genie“, „Blamage“ is een „sch“ or „dj“ to höörn, aver schrieven doot wi „g“. Jüst so verdwars is dat bi anner Bookstaven, to’n Bispeel „Tag“, kann sik anhöörn as „Taak“ or uk as „Tach“. Un is keen Ünnerscheed bi „Achsel“ un „Axel“ to höörn. Bi Hexe aver schrievt un snackt wi „x“. Dat findt ik „schick“, äh „chic“. Ik bün denn eerst maal weg (spraken: wech). (fw) 
Lektion 42: Aussprache [MP3, 2,61 MB]

Lektion 43: In der Autowerkstatt

Unser Nachbar hat eine Reparaturwerkstatt für Autos. Auffällig ist, dass an allen Arbeitsplätzen die Altgesellen nur Platt sprechen.

„Snackt nich so veel, in unse Warksteed ward nich snackt, dor ward arbeit“, schimpfte einmal der Meister, „man to, man to. De Lüüd von ’n langen Diek mööt den Wogen waller trüch hem. Hannes, du schasst man gau nee Reifen optrecken.“ Ein Kunde jammerte: „Wenn blots de Sprit nich so düür wörr.“
Der Meister ruft den Lehrling: „Kumm mol gau her. Pack den Stroomwieser, de grode Schruuv, de Sliep- un Bohrmaschien, de Knieptang, de Veerkantslötel un den Wogenhoochdreiher in de grode Kist.“ (hc) 
Lektion 43: In der Autowerkstatt [MP3, 1,25 MB]

Lektion 44: Schifffahrt

Wenn ’n Mannsminsch ut Osnabrück no Bremerhaven kummt, von dor ut mit en Schipp ’n Krüüzfohrt no Skandinavien mookt, denn kann he wat beleven.
„As wi Klock tein an Bord unse Fröhstück kregen harrn, gung de Reis los. Achter den Hochweg-Lüchttoorn gung unse Schipp jümmer gauer op un dol. Mi hett dat Schuckeln over nix utmokt“, vertell de Mann ut Osnabrück. Loter wörr dat fein an Bord, denn dor geev dat jümmer wat to kieken. Eendoon op dat nu Stüür- orer Backboord wörr.  Avends müssen de Lüüd an Bord um Klock söven no jeden Landgang waller an Bord wesen. Denn geev dat en dänisch Avendeeten. Ik bün fröh in de Puuch (Bett) gohn, over foken ins gung dat los. Ik harr lange Tied bi „Tante Meier“ (Toilette) nödig. As wi waller in Bremerhaven wörrn, heff ik in ’n Fischereehaven von Bremerhaven Seetungen, Heringen un Knaat eeten. (hc) 

Lektion 44: Schifffahrt [MP3, 1,77 MB]

Lektion 45: Feiern mit der Verwandtschaft

Vondoog is Geboortsdag in Diekhuusen. „Koomt rin“, seggt Helke, as de halve Verwandtschop mit mol vor de Döör steiht. Kaffee un Koken stunnen al op ’n Disch.
Un denn worr düchtig snackt över al dat, wat in de Stuuv wörr. So ok över dat nee Schapp. Helga sä: „Wat mi hier sünnerlich gefallt, dat sünd de Klören (Farben). Een is geel, een anner rot un de annern waller gröön. Op disse Ort kannst ni nich wat verkehrt moken mit anner Möbel oder mit de Dischdeeken.“ Se hebbt nich blots snackt, nee, ok drunken. „Gifft dat noch en Kunjack?“ „Warraftig“, sä Anna, un schenk noch düchtig welke in. Un an ’n End von de Fier worr waller över dat Schapp snackt. Dorto sä Anna: „Nich wiet von Ollnborg weg wohnt en Mester for Kunst. He kummt vonovend noch un will mit uns ’n lüttjen drinken. Noher kann he sik dat Schapp ankieken. Mol sehn, wat he seggt.“ (hc) 

Lektion 45: Feiern mit der Verwandtschaft [MP3, 1,75 MB]

Quelle:  Nordsee-Zeitung

Encuentro del Stammtisch todos los viernes / Stammtischtreffen jeden Freitag - 17:30 - Primacy Apart Hotel , Santa Fe 2464, Mar del Plata

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert.